د عرفې د ورځې د خطبې ژباړه د نړۍ په ۳۵ ژوندیو ژبو وړندې کیږي

ایکنا د مسجدالحرام او نبوي شریف د دیني چارو د ادارې مشر ووئيل؛  د ۱۴۴۶ قمری کال  د حج موسم لپاره ئې د عرفې ورځې د خطبې د ژباړې پروژه په ۳۵ ژوندیو ژبو پیل کړې ده. 

  ایکنا نیوز د المصري الیوم له قوله راپور  ر اکړی،د مسجدالحرام اومسجد النبی (ص)  د دیني چارو ادارې د ۱۴۴۶ قمری کال  د حج موسم لپاره د عرفې ورځې د خطبې د ژباړې یوه استثنائي او  بډایه پروژه پیل کړې ده، چې  کابو  ۵ میلیونه مسلمانان به په ټولې نړۍ کې ترې ګټه پورته کړي. 

دا طرحه د اعتدال او منځلاري نړیوال پیغام د نړۍ ټولو خلکو ته د رسولو په موخې  سره ترسره کیږي. 

د سعودي عربستان د حج او عمرې وزارت همدارنګه د حاجیانو د پاملرنې د مرکز د بشپړ چمتوالي خبر ورکړی، چې د حج په موسم کې به   ۲۴ ساعته په ۱۱ بېلابېلو ژبو خدمات وړاندې کوي. دا کار د حاجیانو ټولو پوښتنو، راپورونو او وړاندیزونو ته، په تیره بیا  د ټرانسپورټ، استوګنې او خوړو په اړه، سمدستي ځواب ویل تضمینوي. 

دا مرکز د تماس مرکزونو په برخې کې د وروستیو ټیکنالوژیو په کارولو سره فعالیت کوي او د تماسونو د ځواب ورکولو اوسط وخت یوازې ۴۱ ثانیې دی،چې د خدماتو د اغیزشیندنې او کیفیت نښه ده. 

دا مرکز د حاجیانو لپاره د وړاندې شوو خدماتو د سیسټم یوه مهمه برخه ده. د دې مرکز کاري چاپېریال پرمختللی دی، عملیاتي سیسټمونه ئې تازه شوي او د وړ او روزل شوو کارکوونکو څخه برخمن دی څو د حاجیانو اړتیاوې د سفر په ټولو مرحلو کې، له رارسېدو مخکې تر وتلو وروسته، پوره کړي. 

دا مرکز په یوه جامع معلوماتي بانک تکیه کوي چې له ۳۰۰ څخه زیات د عامو پوښتنو ځوابونه پکې شامل دي او ټول راپورونه په دقت سره څاري او د چټک  پروسس لپاره ئې اړوندو چارواکو ته لېږدوي.

https://iqna.ir/fa/news/4285597/